ಕರ್ನಾಟಕ ರಾಜ್ಯ ದಮನಿತ ಸಮಾಜಗಳ ಸಮಾನ ಮನಸ್ಕರ ವೇದಿಕೆ ಅಸ್ಥಿತ್ವಕ್ಕೆ :

ಕರ್ನಾಟಕ ರಾಜ್ಯ ದಮನಿತ ಸಮಾಜಗಳ ಸಮಾನ ಮನಸ್ಕರ ವೇದಿಕೆ ಅಸ್ಥಿತ್ವಕ್ಕೆ : ಪ್ರಧಾನ ಸಂಚಾಲಕರಾಗಿ ದೇವರಾಜ್ ಟಿ. ಕಾಟೂರು, ಸಂಚಾಲಕ ಕಾರ್ಯದರ್ಶಿಯಾಗಿ ಸತ್ಯನಾರಾಯಣ ಆಯ್ಕೆ

ಸೆಪ್ಟೆಂಬರ್ 18, 2025

ವರದಿ: ನಿಷ್ಕಲ ಎಸ್.ಗೌಡ, ಮೈಸೂರು

ಮೈಸೂರು : ಹಿಂದುಳಿದ ವರ್ಗಗಳ ಹೋರಾಟಗಾರು ರಾಜ್ಯ ನಾಯಕರಾದ ಜಿ.ಎಂ ಗಾಡ್ಕರ್ ಅವರ ಅಧ್ಯಕ್ಷತೆಯಲ್ಲಿ ನಡೆದ ಎಸ್.ಸಿ/ಎಸ್ಟಿ ಮತ್ತು ಸಣ್ಣ ಮತ್ತು ಅತಿ ಹಿಂದುಳಿದ ಸಮುದಾಯಗಳ ಸಭೆಯನ್ನು ಹೋಟೆಲ್ ಗ್ರೀನ್ ಹೆರಿಟೇಜ್‌ನಲ್ಲಿ ಬುಧವಾರ ಸಂಜೆ ನಡೆಯಿತು.

ಸಭೆಯಲ್ಲಿ ಕರ್ನಾಟಕ ರಾಜ್ಯ ದಮನಿತ ಸಮಾಜಗಳ ಸಮಾನ ಮನಸ್ಕರ ವೇದಿಕೆಯನ್ನು ನೂತನವಾಗಿ ಅಸ್ಥಿತ್ವಕ್ಕೆ ತರಲಾಯಿತು.

ಸಾಮಾಜಿಕ ಹೋರಾಟಗಾರರಾದ ಜಯರಾಜ್ ಹೆಗ್ಡೆ ಮತ್ತು ಜಿ.ಎಂ.ಅಂದಾನಿ, ಹೊಸಕೋಟೆ ಕುಮಾರ್, ಸುಂದರ ಹಣಕೊಳ ಇವರುಗಳ ಮಾರ್ಗದರ್ಶನದಲ್ಲಿ ನೂತನ ಸಂಚಾಲಕರ ಸಮಿತಿಯನ್ನು ರಚಿಸಲಾಯಿತು.

ನೂತನವಾಗಿ ಆಯ್ಕೆಯಾದ ಸಮಿತಿ 

ಪ್ರಧಾನ ಸಂಚಾಲಕರಾಗಿ ದೇವರಾಜ್ ಟಿ. ಕಾಟೂರು.(ನಾಯಕ), ಸಂಚಾಲಕ ಕಾರ್ಯದರ್ಶಿ ಸತ್ಯನಾರಾಯಣ (ಮಡಿವಾಳ), ಸಂಚಾಲಕರು ನಾಡನಹಳ್ಳಿ ಚಂದ್ರಶೇಖರ್ (ದಲಿತ), ತಗಡೂರು ಕೃಷ್ಣ ಉಪ್ಪಾರ), ರಾಮಕೃಷ್ಣ (ಅಲೆಮಾರಿ), ಮುಳ್ಳೂರು ಮಹೇಶ್ (ಕುಂಬಾರ), ರಾಬರ್ಟ್ (ಕ್ರಿಶ್ಚಿಯನ್), ನಾಗರಾಜು ಟಿಂಬರ್, (ವಿಶ್ವಕರ್ಮ), ಅಕ್ಮಲ್ ಪಾಷ(ಮುಸ್ಲಿಂ), ಅಶೋಕಪುರಂ ಜೋಗಿ ಮಹೇಶ್ (ದಲಿತ), ತೊರವಳ್ಳಿ ಟಿ.ಎಲ್.ಸ್ವಾಮಿ (ನಾಯಕ), ಇವರುಗಳನ್ನು ಸರ್ವಾನುಮತದಿಂದ ಆಯ್ಕೆ ಮಾಡಲಾಯಿತು.

ನಿಲ್ಲದ ಬದುಕು

 

ಆಲೋಚನೆ ಯೋಚನೆಗಳಿಂದಲೇ

ಆಚಾರ ವಿಚಾರಗಳ ಚಿಂತನೆಗಳಿಂದಲೇ

ಮುಗಿಯದೀ ಬದುಕು... ಮುಂದುವರೆಯುತ್ತಲೇಯಿಹುದು.

ನಿಖರತೆಯಿಲ್ಲದ ಸಂಬಂಧಗಳಿಂದಾಗಿ

ನಿಲುಮೆಗಳಿಲ್ಲದ ಸಹವಾಸಗಳಿಂದಾಗಿ

ನಿರೀಕ್ಷಿಸಿದ್ದೆಲ್ಲವೂ ನಿಂತ ನೀರಾದಾಗ ಅರ್ಥವರಿಯದ

ಜೀವನ ಸತ್ಯಮಿಥ್ಯಗಳ ಸಂಶೋಧನೆಯಲ್ಲೇ

ಜಡವಾಗಿರಲು ಬಯಸದೇ ಮುಂದೇನೆಂದು

ಯೋಚನೆ ಆಲೋಚನೆಗಳಿಂದಾವೃತವಾಗಿದೆ

ಮುಗಿದರು ಮುಗಿಸಿಕೊಳ್ಳಲಾಗದ ಬದುಕು!!!

ಸಮತೆ-ಖಚಿತ-ಸೂಚಕ

ಸಮೃದ್ಧಿಯ ಸೂಚಕ ಸಂಬಂಧಗಳ ಸಮತೆ

ಸೌಜನ್ಯದ ಸೂಚಕ ಸದ್ಗುಣಗಳ ಸಮತೆ

ಸಂತೋಷದ ಸೂಚಕ ಸರಳತೆಯ ಸಮತೆ

ಸ್ವಾತಂತ್ರ್ಯದ ಸೂಚಕ ಸಾನಿಧ್ಯದ ಸಮತೆ

ಸಮತೆ ಇರುವಲ್ಲಿ ಪ್ರೀತಿ ಖಚಿತ

ಸಮತೆ ಬೆಳಗುವಲ್ಲಿ ನೆಮ್ಮದಿ ಖಚಿತ

ಸಮತೆ ತುಂಬಿರುವಲ್ಲಿ  ಏಳಿಗೆ ಖಚಿತ

ಸಮತೆ ನೆಲೆಸಿರುವಲ್ಲಿ ಆನಂದ ಖಚಿತ

ನೋವು ಇರುವಾಗ ಸಮಾನತೆ ಸಿಗುವುದೇ?

ಕಷ್ಡಗಳು ಇರುವಾಗ ಸಮಾನತೆ ಕಾಣುವುದೇ?

ದ್ವೇಷಗಳು ಇರುವಾಗ ಸಮಾನತೆ ಬರುವುದೇ?

ಹಗೆತನ ಇರುವಾಗ ಸಮಾನತೆ ಉಳಿವುದೇ?

ಸಮಾನರು ನಾವು ಎನುವುದು ಹೃದಯದಲ್ಲಿರಬೇಕು

ಸಮಾನರು ನಾವು ಎನುವುದು ನಡತೆಯಲ್ಲಿರಬೇಕು

ಸಮಾನರು ನಾವು ಎನುವುದು ವ್ಯಕ್ತಿತ್ವದಲ್ಲಿರಬೇಕು

ಜಾತಿ - ಅಧಿಕಾರ - ಸಿರಿವಂತಿಕೆ - ವಿದ್ಯಾರ್ಹತೆ
ಎಲ್ಲವ ಮೆಟ್ಟಿ ಸಮಾನರು ನಾವು ಎನುವುದು
ಮಾನುಷ ಗುಣವಂತವನ ಹಿರಿಮೆಯ ಕಿರೀಟ ಸಮತೆಯ ಪಾಲಿಸೋಣ  ಶುಭವಾಗಲಿ ಮಿತ್ರರೇ...🙏

ಮನೆಯಂತರಾಳದಲಿ..

ಮನೆಯೆಂಬುದು
ಮನದೊಳಗಿನ ಭಾವನೆಗಳನು
ಮತ್ಸರವಿಲ್ಲದೆ ಪಾಲಿಸಲು ಅವಕಾಶವಿರುವ
ಮಧುರ ಬಾಂಧವ್ಯಗಳ ಸಮ್ಮಿಲನದಲಿ ನಲಿಯುವ
ಮೌಲ್ಯಯುತ ದೇವಸ್ಥಾನ ಎಂಬುದ್ದನ್ನು ಮರೆತು...
ಒಂದೆಡೆ ಮೂಲೆಯಲ್ಲೆಲ್ಲೋ
ಒಂದಿಷ್ಟು ಅಲಂಕಾರಗಳೊಂದಿಗೆ
ದೇವರುಗಳನ್ನು ಜೋಡಿಸಿಟ್ಟು ಕೈಮುಗಿಯುತ್ತೇವೆ!
ಮನೆಯ ನಿಜವಾದ ಪಾವಿತ್ರ್ಯತೆಯನ್ನರಿತಾಗ
ಸಂಸಾರ.... ಸಮಾಜ.... ಸಂವತ್ಸರಗಳಲ್ಲಿ
ಧನ್ಯತೆ ಪಡೆದು ಮಾನವೀಯ ಸತ್ಯ
ದರುಶನಕೆ ನಮ್ಮ ಈ ಬದುಕು ಸಾಕ್ಷಿಯಾಗಬಲ್ಲದು!!!!

ನಯನಾಕರ್ಷಣೆ

 

ಕಣ್ಣೀರು ಪ್ರತಿಯೊಂದು
ಭಾವನೆಗಳಿಗೂ ಸಾಕ್ಷಿ...
ಕಣ್ಣಿನ ರೆಪ್ಪೆಗಳು ಪ್ರತಿ
ಅನಿಸಿಕೆಗಳಿಗೂ ಸ್ಪಂದನ...
ಕಣ್ಣ ನೋಟಗಳು ಪ್ರತಿ
ಕ್ಷಣಗಳಿಗೂ ಚೇತನ...
ನಯನಗಳ ಸಮ್ಮಿಲನದಲಿ
ಪ್ರೇಮಿಗಳಿಗಾರ್ಷಣೆ..
ನೇತ್ರಗಳ ಚುಂಬಕದ ಕರೆಗಳಲಿ
ರಸಿಕರಿಗಾರ್ಷಣೆ...
ಒಲವಿನಲಿ ಸಂಗಮಿಸುವ ಇಡೀ ಜೀವರಾಶಿಗಳಿಗೆ
ಒಮ್ಮನಸ್ಸಿನ ಕುಡಿನೋಟದಲೇ ಮೈಮನ ಸಂತೃಪ್ತಿ!!
ನನ್ನೆಲ್ಲವೂ ನೀನಾಗಿರುವಾಗ
ನಿನ ಕಣ್ಣ ಸೆಳೆತವೇ
ನನ್ನ ನರನಾಡಿಗಳ ಕೆಣಕಿ ಸೂಚನೆಯ ನೀಡುವ
ನೈಸರ್ಗಿಕ
ನಿಜ ಸ್ವಾದಿಸುವ ಪ್ರೇರಕ ಅನುಭೂತಿ!!!!

ಅಪ್ಪುಗೆಯ ಲತೆ

ಅವಳನ್ನು ನಾನೆಂದೂ ಸಮೀಪಿಸಿರಲಿಲ್ಲ...
ಅವಳಿಗೆ ನಾನೆಂದೂ ಹತ್ತಿರವಾದದ್ದಿಲ್ಲ...
ಅವಳಲ್ಲಿ ನಾನೆಂದೂ ಪ್ರೀತಿ ಕಂಡಿರಲಿಲ್ಲ...
ಅವಳೊಂದಿಗೆ ನಾನೆಂದೂ ಬಾಳಬೇಕೆಂದಿರಲಿಲ್ಲ..
ಆದರೆ,
ಎಂದೋ ಒಂದು ದಿನ ಅವಳನ್ನು ಕಂಡಾಗಿನಿಂದ
ಎನ್ನೊಳಗಿನ ಏನೋ ಒಂದು ಸೆಳೆತದಾರಂಭವಾಯ್ತು..
ಎಲ್ಲಿರುವಳು, ಹೇಗಿರುವಳು, ಏನಾಗಿರುವಳು
ಏನನು ಅರಿಯದ ನನ್ನೀ ಹೃದಯ ತುಡಿಯುತ್ತಿತ್ತು..
ಹಂಬಲಿಸುತ್ತಿತ್ತು ಪ್ರತಿಕ್ಷಣವೂ ಅವಳ ಕಾಣಲು...
ಒಮ್ಮೆ ಅವಳು ಕಂಡಳು ಸಾಮಾಜಿಕ ತಾಣದಲಿ...
ಒಬ್ಬರಿಗೊಬ್ಬರೂ ಕೇಳಿಕೊಂಡೆವು....
ಒಲವೋ ಗೆಲುವೋ ನನ್ನ ಕರೆದಳು
ಒಂದೇ ಒಂದು ಅಪ್ಪುಗೆಗಾಗಿ...
ಕಾಡಿಸಿ ಪೀಡಿಸಿ ಅವಳ ಕರೆಗೆ ಸ್ಪಂದಿಸಿದಾಗ
ಕೊಟ್ಟ ಒಂದೇ ಒಂದು ಅಪ್ಪುಗೆ ಜೀವವನ್ನಾವರಿಸಿತು..
ಕಳೆದೆವು, ಬೆರೆತೆವು, ನಕ್ಕು ನಲಿದೆವು ಮೈಮರೆತು... ವಿಷ ಗಳಿಗೆ ಅನುಮಾನದ ಸುಳಿ ಕಿಡಿಯಾಯಿತು...
ಮನಸ್ಸು ಹೃದಯಗಳು ಜೊತೆಯಾಗಿದ್ದರೂ
ದೇಹಗಳು ದೂರದಲಿ ಮರೆಯಾಯಿತು...
ಅಂದು, ಅವಳೊಂದು ಅಪ್ಪುಗೆ ಸಾಂತ್ವನ ಬಯಸಿದಳು...
ಇಂದು, ನಾನು ಬೇರ್ಪಟ್ಟ ವೇದನೆಯ ಕಣ್ಣೀರನ್ನಳಿಸಲು
ಒಂದೇ ಒಂದು ಅಪ್ಪುಗೆ ಬಯಸಿ ಕಾದಿರುವೆ.....!!!!!

ಮನದಾಳದ ಕಥನ

ಕಥೆಗಳಿಗೇನಿವೆ ಕೊರತೆಯಿಲ್ಲಿ???
ಕರಗುತ್ತಿರುವ ಕಾಡಿಸುವ ಕನವರಿಸುವ ಕನಸುಗಳ
ಒಂದೊಂದು ಘಟನೆಗಳಾರಂಭ
ಒಂದಷ್ಟು ಮುಗಿಯದ
ಒಂದೊಂದು ಮುಗಿದ ಬದುಕಿನ ಕಥನ
ಒಂದೊಂದು ಕ್ಷಣಗಳಲೂ ಮನಸ್ಸಿನಾಳೆಯ
ಓದಿಸಿಕೊಂಡೊಯ್ಯುತ ಮಿಡಿಯುವ ಪದಗಳಾಗಿವೆ.
ತೀರದ ಪುಟಗಳಿನ್ನೂ ಖಾಲಿಯಿವೆ...
ತೀಡುವ ಲೇಖನಿಗಳಲ್ಲಿನ್ನೂ ಶಾಹಿಯಿದೆ....
ಹೃದಯಲ್ಲಿದ್ದು ಮನದಾಳದ ಪುಸ್ತಕವನ್ನೋದುವ
ಹೊನಲಿನ ಬದುಕಿನ ದೋಣಿಯಲಿ ಪಯಣಿಸುವ
ಜೀವವೊಂದು ಬೇಕಾಗಿದೆ!
ಜನ್ಮಾಂತರಗಳೊಂದಿಗೆ ಜೊತೆಗಿದ್ದು
ಸಹನೆಯಿಂದಾಲಿಸುತ ನೂರಾರು ಕಥೆಗಳಿಗೆ
ಸ್ಪಂದಿಸುವ ಸಂಗಾತಿಯ ಮಧುರತೆ ಅಗತ್ಯವಿದೆ!!!!